🍗🍗🍗بنصف صدر دجاج حضري صنية كفتة بالخضار تكفي لعايلة كبيرة 😋😋😋😋😋
المقادير ///////
نصف صدر دجاج مرحي
راس توم مرحي (نصف للكفتة و نصف لاخور للماريناد تاع الخضرة)
بصلة كبيرة مقطعة رقيق
ربطة معدنوس مقطعة رقيق (نصف للكفتة وونصف لماريناد)
حبيبات طوماطيش
حبيبات فلفل حلو
6مغارف كبار شابلور
ملح.فلفل اسود.فلفل عكري حار
علبة ياؤورت طبيعي و زوج بيضات كبار
2 ملاعق زبدة و 2ملاعق زيت
طريقة التحضير //////////
اولا نحضرو الكفتة تاعنا :
نصف صدر دجاج مرحي نحطوا عليه ملح و توم حوالي نصف راس مرحيي و نصف ربطة المعدنوس ونزيدو عليه نصف مغرف كبيرة كل من فلفل اسود فلفل احمر حار وعلبة ياؤورت طبيعي (تخلي الصدر تاعنا يجي طري و مشرب و ميجيش ناشف ) 2 بيضات كبار و نحطوا عليهم
6 ملاعق كبيرة شابلور (خبز محمر في الفرن مليح و نرحوه يعطي بنة عالمية و يزكيلك يعني يزدلك في كمية الكفة ) نعنحوهم بيدينا مليح من بعد نكورهم و نبسوطهم بيدينا شوي و نحطوهم بجيه ديرلكم حوالي 30 قرصة كفتة
طريقة تحضير الخضار ////////
نقصوا البطاطا دوائر كما تاع الفريت
نقصوا الطماطم دوائر خشان شوي
نقصوا فلفل حلو دوائر خشان شوي
نحضرو المريناد :::نحطوا البصلة ونصف كمية التوم و نصف كمية المعدنوس والزبدة والزيت ملح حسب الحاجة نصف ملعقة كبيرة فلفل اسود ووعكري حار و نخلطوهم ملييح بيدينا ونحطوا البطاطا و نخلطوها مليح مليح
في بلاطوا ليروح للفور نهزو دائرة بطاطا ونحطوا فوق منها دائر كفتة و نستفوهم في البلاطوا ( ممكن نحطوا وحدة بطاطا وحدة كفتة وحدة فلفل ووحدة طماطم الشكل لتحبوه )
من بعد منكمل نحطوا الفوق منهم طماطم و الفلفل ولبيقى من الماريناد نحطوا عليه نصف كاس ماء وونلموه وونسقوا بيه البلاطوا تاعنا من بعد نغطوه بورق الطهي و نزيدو فوق منوا ورق الاليمنيوم وونحطوه يطيب تحبوها محمرة نحوا عليها الاوراق و هلوها تتحمركم وشهية طيبة