🍥🍥🍥🍥سفنج بدون دلك يجي خفيف ريشة و منبل كيف تاع المحلات😋😋😋😋😋😋😋ا
المقادير ////////
2،كيسان ماء دافئ
مغرف كبيرة خميرة الخبز
مغرف صغيرة سكر
4،كيسان فرينة ممسوحين
ملح حسب الحاجة
طريقة التحضير ////////
في بول تاعنا نحطوا فيه الماء و معاه الخميرة و السكر و نخلطوهم مليح بالفوي من بعد نزيد زوج كيسان فرينة و نخلط مليح من بعد نزيد الكاس التالت و نخلطوا بيدنا مليح ✋ من بعد نبدو نهزو لعجين و نضربوه (كما طريقة خفق البيض بالفرشيطة بصح حنا نديروها بيدينا مع لعجين ) من بعد نزيد الكاس الرايع و معاه حوالي 2 مغارف ماء ندوبوا فيه الملح و نعاودو نضربوالعجين كما الطريقة السابقة( كي شغل رانا نضربوا في حبات بيض بفورشيطة ) حوالي دقيقتين (نشوفوا في العجينة تاعنا فقاعات تاع هوأء نغطوها بساشي وونخلوها تخمر لمدة ساعة
من بعد نحطوا شوي زيت في يدينا و نخرحوا كورات بالاصابع هدو 👌وونستفوهم و نخلوهم يريحوا حتي نوجدو الزيت تاعنا
نحطوا مقلة فيها حوالي 3 مغارف زيت فقط على نار قليلة خلاه و كسرونة فيها زيت غارق شوي نحطوها على نار متوسطة
على طاولة العمل نحطوا كرة من العجين و نفتحوا فيه ثقب في النص و نوسعوها شوي و نحطوها في المقلة الاولى و نخلوها حتى تنتفخ و يضهرو فيها الفقاعات من بعد نهزها كما راهي و نحطوها في الكسرونة و نخلوها حتى تحمار من تحت و نقلبوها ( منرجعوش عليها الزيت بالمغرف لخاطر الفقافات راهم يطفوا ) درجة الطياب انتوا وماحبيتوا صفرا دهبية ولا حمراء
كي تحبوا القشرة الفوقانية دجيكم تتقرمش كي تفتحوها الكرة تاع العجين بلوا يديكم بالماء