حلوة اليويو

 🍩🍩🍩حلوة اليويو اقتصادية سهلة و سريعة التحضير 🍩🍩🍩🍩

المقادييييير//////

حبة بيض 

نصف كاس سكر 

نصف كاس حليب ( ممكن تستعلموا علبة ياوؤرت دوق لتحبوه)

نصف كاس زيت 

2 ساشي فانيلا او مبشور القارص 

1 ساشي خميرة كميائة 

2كيسان ممسوحين فرينة( ممكن  تزيدي نصف كاس على حسب فرينة تاعك تشرب ولا لا ) 

قرصة ملح 

زيت للقلي 

طريقة التحضييييير ///////

في يول نحطوا البيضة و نزيدو عليه السكر و الفانيلا وونضربوهم مليح بالفوي من بعد نزيد الحليب وونخلط مليح حتى يدوب عندنا السمر تماما من بعد نزيد الزيت و نخطوهم مليح من بعد نبدا نزيد في الفرينة مع قرصة ملح و الخميرة الكميائية حتي نتحصلوا على عحينة تتلاصف في اليد متخافيهاش 

من بعد نحلوا لعجينة  ماش رقيقة خلاص و ماش خشبنة خلاص و نطبعوا دوائر  وونزيدو نطبعهم في النص دائرة صغيرة ( استعملي كاس و معاه قفال تاع قرعة )  ولا تحبي تستعملي اي شكل تحبيه من بعد نقلوهم في زيت على نار قليلة حتى يدو اللون الاحمر ولا الدهبي انتي واش تحبي من بعد نحطوهم في العسل يكون بارد و ممكن تستغني على العسل  🍯🍯( كما انا عايلتي يحبوه بلا عسل )  والتزين دائما اختياري ممكن ترشوا عليه جنجلان والشهية طيبة 

الكمية هدي تخرجلك كمية لباس بيها