محمصة بالخضار وبدون لحم إقتصادية وسهلة

 🍝🍝🍝محمصة بالخضار وبدون لحم اقتصادية وسهلة 😋😋😋😋

المقادير //////////

1كلغ من المحمصة ( لازم تكون نوعية جيدة انا استعملت بن عمر ) 

حبة بصل كبيرة مقطعة رقيق 

2 حبات قرعة  مقطعة مكعبات

2 حبات زرودية  مقطعة دوائر 

حبة بطاطا  مقطعة مكعبات 

كمية من الحمص + الفول ( لمحبيهمش يظريها غير بالخضرة كما انا ) 

حبة طماطم كبيرة مرابية + 4 فصوص توم + زوج مغرف طماطم مصبرة

ملح فلفل اسود فلفل عكري  فلفل 🌶

الزيت 

طريقة التحضييييييير////////

في  القدر تاعنا نحطوا 3 مغارف كبار زيت و البصل و نحطوهم يتقلوا شوي قيس متدبال البصل تاعنا من نحطوا عليه الطماطم المربية والتوم و الطماطم مصبرة و  نتبلوها بالملح فلفل اسود و العكري ونخلوا طماطم تاعنا طيب و طلق الزيت تاعها من نضيف شوي ماء و ماء و نخلوها حوالي ربع ساعة من بعد نمرقوا ب 2 ليتر من الماء  

من بعد نجيب المحصمة تاعنا نحطوها في جفنة و نحطوا عليه 2 مغرف زيت و نحركوها مليح بيدينا من بعد نحطوها في الكسكاس و نحطوها تفور على المرق لمدة ربع ساعة 

من جيهة خلاف نحطوا الماء وملح حولي 2ليتر في كوكوطة  ونخلوها تغلي مليح من نحوها من فوق نار و نخولها بجيه  

بعد ماتفور عندنا المحمصة نحطوها في الماء لكون غليناه ونخلوها فيه لمدة نصف ساعة 

و نرجعوا للقدر تاعنا ونحطوا الخضرة كامل  و نخلوها طيب 

بعد ماتمر نصف ساعة نصفوا المحمصة تاعنا في الكسكاس من بعد نرجعوها للجفنة و نحطوا عليها الملح وترجعوها في الكسكاس تفور للمرة تانية لمدة 20 دقيقة 

بعد تفور عندنا المحمصة نرجعوها داخل المرقة تاعها و نخلوها لمدة ربع ساعة ( على حسب انتوا واش تحبوها طايبة خلاه زيدولها وقت ) في الاخير ممكن تزيدولها الحليب وليحبها حمرة يخليها بدون حليب و شهية طيبة